Vende të lira pune në Hipoteka, hapet konkursi për drejtuesit e rinj

Ministria e Drejtësisë ka hapur konkurset për drejtuesit e rinjtë Hipotekave.

Ministria e Drejtësisë, Etilda Gjonaj në një konferencë për shtyp deklaroi se ka nisur reformimi i shërbimit në hipoteka dhe ftoi specialistët e ndershëm të aplikojnë.

“Ky është hapi i parë i reformës në hipoteka. Reforma e cila përfshihet në planin e veprimit 100 ditor të qeverisë  për reformimin e shërbimeve publike për titujt e pronësisë dhe do të vijojmë më tej me organizmin e konkurimit për të gjithë personelin e të gjithë zyrave të hipotekave në vend.

Është përmirësimi i këtij shërbimi si dhe zhdukja e çdo rasti korruptiv  arsyet që na çojnë sot në hapjen e konkursit publik, një praktikë që nuk ka ekzistuar më parë”, deklaroi Gjonaj.

Ndërkohë, Hipotekat kanë qenë në vëmendje të kryeministrit Edi Rama, i cili menjëherë pasi mori timonin drejtues i vetëm, duke fituar bindshëm në zgjedhjet e 25 qershorit, kërkoi dorëheqjen e të gjithë drejtorëve të Hipotekave. Ai i mblodhi zyrtarët e Hipotekave në Kryeministri dhe iu bëri një sërë kritikash të drejtpërdrejta, duke kërkuar dhe largimin e tyre brenda një afati të shkurtër.

a.ç