Kandidati i mazhorancës për Bashkinë e Tiranës Erjon Veliaj është takuar sot me mësues dhe edukatore të kryeqytetiit. Në fjalën e tij Veliaj tha se ndër vite është bërë më tepër politikë se sa punë me shkollat dhe kopshtet në Tiranë.
Sipas Veliaj më shumë hapësirë kanë pulat në një pulari, sesa fëmijët në çerdhe, kopshte e shkolla.
Është bërë shumë politikë me shkollat. Të bëjmë bilancin e nevojave të shkollave Të mos bëhemi pjesë e përbaltjes. Dhe në punë si në shkollë, ngel nëse bën mungesa. Të zhdukim pabarazitë e qendrës e periferisë. Do të punoj edhe në bashki si në ministri. Çdo familje shqiptare në tryezën e saj të bukës nuk diskuton për tramin, por se në cilën shkollë, kopësht apo cerdhe do të cojnë fëmijët. Përderisa ato paguajnë taksat, atëherë duhet të marrin edhe shërbimet sepse jo cdokujt mund ti thuhet shko në privat. Por sa kushte kanë sot këto institucione? Mbipopullimi në to është 4-5 herë më i madh se mesatarja e vendit. Ne duhet të punojmë që kushtet në shkolla e kopshte, por edhe cerdhe, të jenë njëlloj si në qendër ashtu edhe periferi, sikundër cilësia e mësimdhënies duhet të jetë e nivelit të lartë“, tha Veliaj
