Kandidati i Aleancës për Shqipërinë Europiane për bashkinë e Tiranës, Erion Veliaj, ka nisur sot takimet me qytetarët e Tiranës.
Veliaj ka zgjedhur që të bëjë takimin e parë pikërisht me Sidikatat e Transportit Publik. Në ditën e punëtorëve, sot më 1 Maj, Veliaj tha se do dëgjohet me vemendje çdo shqetësim dhe se do të bëhet çmos për transportin publik dhe pastrimin e qytetit.
Për biletat e transportit Veliaj tha se pas 21 qershorit do të vendoset një sistem i ri tarifimi.
Veliaj duke ju referuar punën e Bashës në krye të bashkisë tha se shqetësimet pas 21 qershorit do të dëgjohen dhe nuk do punohet vetëm në prag fushatash.
Veliaj tha gjithashtu se është dakord me Halim Kosovën kur thotë se në Tiranë nuk është bërë asnjë punë.
“Jam dakort me Dr. Halimin kur thotë që tregjet janë mizerabël dhe kur kushtet në çerdhe janë skandaloze. Por kush i menaxhon ato? Jam dakort kur thotë që mungojnë terrenet sportive, por a nuk ishte Lulzim Basha që premtoi terrene sportive?” tha , Veliaj.
