“Nëse Lulzim Basha do të kishte pasur kurajo për t’i dalë ballë qytetarëve të Tiranës për bilancin e kryeqytetit, ndoshta do të kishim pasur dhe ne mundësi të mësonim se ku janë hapur vendet e punes që thotë dhe sesi janë hapur këto vende pune.”
Kështu është shprehur sot në një deklaratë për mediat, deputetja e Partisë Socialiste Blerina Gjylameti.
Gjylameti tha se Basha është fajtor për listën e ndihmave ekonomike.
“Fakti është që zyra e punës së Bashkisë Tiranë, sot është një institucion që ekziston vetëm në letër. Vetëm 7 punonjësit e saj janë të punësuar.
Jo vetëm kaq, Luli nuk ka respektuar për të paraqitur përpara kontraktorëve të Bashkisë, listën e personave me ndihmën ekonomike , për të marë parasysh punësimi.”, tha Gjylameti.
Ajo shtoi se Tiranës i nevojiten politika më të mira menaxhimi dhe investime. Sipas saj, në 21 qershor qytetarët do të votojnë për të kthyer Tiranën në drejtimin e duhur.
