Kandidati i mazhorancës për Bashkinë e Tiranës, Erion Veliaj, zhvilloi sot një takim me sipërmarrësit. Në fjalën e tij Veliaj tha se në mandatin e tij do ta kthejë kryeqytetin në normalitet, duke punuar gjithë kohën për të dhe jo për ambicie partiake.
“Deri në vitin 2011, shërbimet publike funksiononin mirë dhe mandati i ardhshëm do ta kthejë në normalitet Bashkinë. Nuk kam ambicie partiake dhe do të merrem vetëm me punët e Tiranës. E theksoj se do të jem me kohë të plotë në dispozicion të bashkisë”, u shpreh Veliaj.
Më tej, Veliaj përsëriti se do të auditojë punën e Bashkisë në 4 vitet e fundit: “Do të vendosim një standard: kush kapet me shkelje, do të dënohet. Nuk do të zbatojmë kontratat e minutës së fundit”.
Duke u ndalur tek kreu aktual i Bashkisë, Veliaj u shpreh se e vetmja taskë që ka ulur Lulzim Basha nga premtimet e tij është ajo e leshit.
“Premtoi uljen e taksave dhe tha se kemi ulur 60 taksa, por realisht është ulur vetëm një taksë, ajo e leshit, të cilën e paguante vetëm një person që ngjyroste leshin në bacen e tij“, theksoi Veliaj.
