Eksperti i marrëdhënieve ndërkombëtare, Ledion Krisafi, ka folur për procesin e integrimit të Shqipërisë në BE, duke theksuar se kriteret që duhet të përmbushë vendi nuk janë thjesht formalitete në letër.
Sipas Krisafit, pjesa teknike e kushteve që duhen përmbushur është serioze, veçanërisht pas ndryshimeve në metodologjinë e procesit të integrimit.
Ai u ndal edhe te përvoja e vendeve të Ballkanit, duke theksuar rëndësinë e angazhimit të qeverisë për procesin e integrimit.
Krisafi përmendi gjithashtu Serbinë, duke thënë se mungesa e vullnetit politik për t’u bërë pjesë e BE-së ka bërë që integrimi i saj de facto të ketë ngecur.
Sa i përket afatit të vitit 2030, ai tha se nëse Shqipëria arrin të anëtarësohet deri atëherë, do të ishte një rekord, ndërsa solli si shembull Kroacinë, e cila sipas tij u integrua brenda 10 vjetësh.
“Nuk ka kritere që janë thjesht në letër në lidhje me integrimin në BE, çdo vend nuk negocion në zbatim, është thjesht se duhet zbatuar. Pjesa teknike e kushteve që duhen përmbushur është shumë serioze me ndryshimet e metodologjisë. Bullgaria, Rumania kanë hyrë në një nivel ku vendi ynë sot është hapa para. Shqipëria është e angazhuar sepse përvoja ballkanike ka treguar se qeveria duhet të ketë angazhimin të jetë pjesë.
Qeveria serbe nuk ka vullnet të jetë pjesë e BE dhe integrimi de facto ka ngecur. Nëse arrijmë 2030, është rekord, Kroacia është integruar brenda 10 vjetësh. Pjesa politike që Shqipëria nuk e ka në dorë lidhet me zhvillimet në Europë, një zhvillim është se vitin tjetër ka zgjedhje në Francë dhe nëse fiton Le Pen, kjo mund ta ndryshonte mënyrën si funksionon BE dhe nuk e di si mund të vazhdojë.”
