Një ngjarje e rëndë tronditi vendin sot pasi nëna me dy fëmijët gjetën vdekjen në shtëpi.
Në fshatin Ostren të Bulqizës, nëna Rajmonda Tola, 40 vjeç, bashkë me djalin e saj Fatjonin 14 vjeç dhe vajzën Rudinën 19 vjeç humbën jetën.
Dyshimet e para thonin se tragjedia e trefishtë u shkaktua prej asfiksimit nga rrjedhja e gazit nga një bombol, por grupi hetimor dhe mjeku i zonës dyshojnë në një tjetër pistë.
Ata thonë se bombola e gazit ka qenë jashtë dhomës dhe dritarja ishte e hapur, ndaj pritet ekspertiza mjeko-ligjore për ta verifikuar nëse ishte helmim nga ushqimi apo diçka tjetër.
Ndërkohë, e vetmja e mbijetuar është vajza tjetër e familjes, 16-vjeçare, e cila ndodhet në gjendje të rëndë shëndetësore.
Ngjarja ka ndodhur në familjen e Ylber Tolaj.
g.kosovari
