Një i ri është shpëtuar mbrëmjen e djeshme nga lumi Devoll në Gramsh, pasi mbeti i bllokuar në mes të rrjedhës teksa tentonte të kalonte nga fshati Menkollar drejt Kodovjatit.
Ngjarja ndodhi rreth mesnatës, ndërsa ndërhyrja e shpejtë e shërbimit zjarrfikës bëri të mundur nxjerrjen e tij shëndoshë e mirë nga lumi.
Njoftimi i policisë:
“Mbrëmjen e djeshme, rreth mesnatës, Shërbimi Zjarrfikës i Gramshit ka ndërmarrë një operacion të shpejtë shpëtimi për nxjerrjen nga rreziku të një të riu me inicialet E.Ç., i cili mbeti i bllokuar në mesin e lumit Devoll.
I riu po tentonte të kalonte lumin nga fshati Menkollar (Njësia Administrative Skënderbegas) në drejtim të fshatit Kodovjat (Njësia Administrative Kodovjat), kur u pamundësua nga rrjedha dhe u bllokua në mes të ujit.
Falë ndërhyrjes profesionale dhe reagimit të menjëhershëm të efektivëve të shërbimit zjarrfikës, u bë e mundur nxjerrja e tij shëndosh e mirë nga lumi”.
