Një atentat me armë zjarri ka ndodhur në zonën e Niklës në Fushë-Krujë. Tvklan.al ka mësuar se dy persona kanë mbetur të plagosur.
Dy të plagosurit janë dërguar në Spitalin Ushtarak në kryeqytet për të marrë ndihmë mjekësore.
Të plagosurit janë Gentian Bejtja 41 vjeç dhe Klodian Stafuka 35 vjeç. Burimet policore raportojnë se dyshohet që shënjestër e atentatit ka qenë Gentian Bejtja, person i njohur për policinë. Nga të shtënat mbeti i plagosur edhe shoku i tij Klodian Stafuka.
41-vjeçari Gentian Bejtja ka rënë pre e një atentati edhe në vitin 2016, kur në automjetin e tij shpërtheu një sasi tritoli. Ai mbeti i plagosur nga atentati me tritol në atë kohë.
41-vjeçari rezulton person me precedent të mëparshëm penal në fushën e krimeve kundër personit dhe krimeve kundër pronës.
