Pas bëri 10 ditë burg, me “akuzën” pse kishte veshur simbolet kombëtare shqiptare, shkodrani rikthehet pranë familjes.
Më 17 nëntor Damnori ai u dënua me 300 euro gjobë si dhe u dëbua nga autoritetet e Malit të Zi për shkak se kishte valëvitur flamurin shqiptar në Ditën simbolike të Gështenjës në Krajë gjatë një festimi tradicional ku morën pjesë një numër i madh qytetarësh nga Mali i Zi, por edhe nga Shkodra.
Irfan Damnori, nga Shkodra, që u bë i njohur për veshjen e tij karakteristike me plis dhe kostum kombëtar në maratonat dhe garat e vrapimit në trojet shqiptare është liruar nga burgu i Podgoricës, ku ishte dënuar me 10 ditë burg.
Irfani u rikthye sërish në Mal të Zi ku u arrestua dhe u dënua me 10 ditë burg në Podgoricë, ndërsa mediat serbe e cilësuan si terroristi shqiptar i maleve. Arrestimi i tij solli mjaft reagime pasi familjaret e kishin shpallur të zhdukur dhe nuk ishin njoftuar për ndalimin e tij.
Domnori u bë i njohur disa vite më parë pasi pas një aksidenti. Mjekët shqiptarë dhe ato të Malit të Zi i thanë se do ta kalonte pjesën tjetër të jetës në një karrige me rrota. Por ai jo vetëm që u shërua nga ky problem shëndetësor, por sot është një sportist profesionist që merr pjesë rregullisht në garat e vrapimit.
/a.r
