Edhe pse është nënshkruar marrëveshja për dërgesën e sistemit antiraketor rus S-400, ajo ende nuk ka hyrë në fuqi, ka thënë drejtori i Rosoboronexport’it.
Në qershor kryetari rus Vladimir Putin ka thënë se Moska është e gatshme t’i dërgojë Turqisë sistemin antiraketor rus S-400, përcjell Al Jazzera.”Marrëveshja është nënshkruar, por ajo ende nuk ka hyrë në fuqi. Ende po punohet në të, mbeten problemet teknike”, ka thënë drejtori Aleksej Mikhev.
Rusia e Turqia po bisedojnë për marrëveshjen që nga nëntori i vitit 2016 e zyrtarë të lartë nga të dy vendet kanë thënë se “është afër marrëveshja” dhe se është arritur “deri te pika finale e vendosjes”.
Sistemi rus S-400 mund ta rrëzojë fluturaken deri në 400 kilometra largësi në rrezen e veprimit prej 60 kilometrash.Ajo mund t’i ketë në të njëjtën kohë deri në 36 shënjestra e përdor lloje të ndryshme raketash për shënjestra të ndryshme. (b.an)
