Makina e një 42-vjeçareje në qytetin bregdetar të Vlorës është shpërthyer me eksploziv mbrëmjen e djeshme.
Sipas policisë ka qenë vetë gruaja Vejushe Dalipaj., e cila ka njoftuar policinë për shpërthimin rreth orës 05:20 të mëngjesit.
Shërbimet Policore, të cilat kanë shkuar menjëherë në vendngjarje, kanë konstatuar se mjeti tip ”Benz”, i cili ka qenë i parkuar përpara banesës së shtetases në vendin e quajtur ”7Pallatet”, në lagjen “Uji i Ftohtë”, ka dëmtime në pjesën e përparme të tij.
Grupi hetimor po punon për përcaktimin dhe zbardhjen e plotë të ngjarjes.
Njoftimi i policisë
Më datë 10.11.2017, rreth orës 05:20, Salla Operative Vlorë është njoftuar nga një telefonatë prej shtetases V.D., rreth 42 vjeçe se pranë automjetit të saj tip ”Mercedes Benz”, ka dëgjuar një zhurmë në formë shpërthimi.
Shërbimet Policore kanë shkuar menjëherë në vendngjarje dhe kanë konstatuar se: Mjeti tip ”Benz”, ka qënë i parkuar përpara banesës së shtetases në vendin e quajtur ”7Pallatet”, në lagjen “Uji i Ftohtë”, dhe se ka dëmtime në pjesën e përparme të tij.
Dyshohet se dëmtimet në mjet të jenë si pasojë e një shpërthimi me lëndë eksplozive që mund t’i kenë vendosur.
Grupi hetimor po punon për përcaktimin dhe zbardhjen e plotë të ngjarjes.
a.ç
