Një atentat me tritol është regjistruar në Tiranë gjatë orëve të mbrëmjes por fatmirësisht pa viktima. Një sasi eksplozivi ka shpërthyer në automjetin e presidentit të ekipit të futbollit “Kamza”, Naim Qarri.
Ngjarja e rëndë ka ndodhur në zonën e Bathores në Tiranë. Në momentin e shpërthimit, mjeti tip “Humer” ishte i parkuar. Nga shpërthimi raportohet vetëm për dëme materiale.
Nuk dihet nëse autorët e krimit kishin synim leiminimin fizik apo dhënien e një paralajmëriomi për Qarrin.
Ngjarja, reagon policia:
Më datë 21.08.2017, rreth orës 20:30, në numrin e emergjencave 112, ka ardhur një telefonatë për një shpërthim në zonën e Bathores.
Menjëherë janë nisur Shërbimet e Komisariatit të Policisë Nr 5, të cilët kanë konstatuar automjetin e markës “Hummer”, në pronësi të shtetasit N. Q., të dëmtuar në pjesën e parme.
Nga hetimet paraprake është mësuar se dëmtimi i këtij automjeti ka ardhur si pasojë e një sasie të vogël eksplozive të vendosur në pjesën e përparme të saj.
Gjatë kohës së shpërthimit automjeti ka qënë i parkuar.
Grupi hetimor po punon për identifikimin e autorëve dhe sqarimin e plotë të rrethanave të ngjarjes
*Naim Qarri në të djathtë
/a.m.
