Një stomatolog është proceduar penalisht nga Policia e Tiranës pasi ka ngacmuar seksualisht një paciente 18-vjeçare. Vajza e re kishte shkuar për disa probleme orale, por doktori 32-vjeçar ishte përpjekur të afrohej më shumë seç duhej me vajzën e re.
Ngjarja ka ndodhur në Bathore, në klinikën e stomatologut 32-vjeçar, emri i të cilit nuk bëhet publik nga policia deri në zbulimin e plotë të rrethanave të ngjarjes.
Sipas të dhënave, vajza e re kishte shkuar disa herë te linika në fjalë në Bathore, por në një prej rasteve, stomatologu kishte nisur ta ngamconte seksualisht vajzën e re.
Ajo rrëfeu se ngjarja kishte ndodhur rreth orës 20.00 të datës 3 Qershor, kur në klinikë nuk ndodhej askush tjetër.
Por këto pretendime janë hedhur poshtë nga mjeku, i cili tha se thjesht po bënte detyrën, dhe nuk e ka ngacmuar të renë.
Aktualisht dosja po vrifikohet nga Prokuroria e cila po punon për zbardhjen e plotë të rastit në fjalë./Javanews/a.m.
