Gjykata e Korçës ka lënë në burg Suel Liçon, i cili tentoi të godasë me karrige kreun e Partisë Demokratike, Lulzim Bashën gjatë një takimi elektorale në Ersekë.
Në seancën e sotme gjyqësore, gjykata dha masën e sigurisë “arrest me burg” për 27 vjeçarin i cili duhet të qëndrojë në qeli deri në përfundim të hetimeve.
Ngjarja ndodhi të mërkurën, gjatë një aktivitetit për prezantimin e kandidatit të PD për këtë bashki. Pas ngjarjes, 27-vjeçari Liço, u arrestua në flagrancë, ndërsa akuzohet për veprën penale “Plagosja e rëndë me dashje”.
