Kryetari i Lëvizjes Socialiste për Integrim dhe njëherësh kreu i Kuvendit Ilir Meta është ndalur të komentojë tensionin ndërmjet Shqipërisë dhe Greqisë të kohëve të fundt. Në një deklaratë për mediat, Meta tha se marrëdhëniet mes Greqisë dhe Shqipërisë duhet të shtendosen, pasi janë të dyjanë anëtare të NATO. I pyetur në lidhje me komentet e ministrit të Jashtëm grek, Meta tha se këto deklarata nuk përkthehen në probleme por se “me shumë qetësi dhe dashuri do të shkohet drejt zgjidhjeve të tyre”.
“Kemi marrëdhënie shumë të mira dhe ka ende çështje që duhet të zgjidhen, bazuar në konventat ndërkomëbtare. Një deklaratë aty e këtu, nuk besoj se e lëkundin trendin e bisedimeve për dy vendet”, deklaroi Meta.
