Një tjetër ngjarje shokuese ka ndodhur në qytetin e Bulqizës. Bëhet fjalë për një rast pedofilie që ka shkaktuar një tronditje të madhe tek banorët e lagjes “Minatori” në Bulqizë.
Një ditë pasi 33-vjeçarja nga Bulqiza, Gëzime Lleshi mohoi se kishte dhunuar fqinjin e saj në organet gjenitale, tashmë një tjetër fqinj me iniciale P.Ç. ka ngacmuar seksualisht vajzën e saj, vetëm 4-vjeçe. Kanë qenë banorët e lagjes “Minatori” në Bulqizë, të cilët kanë ndërhyrë në kohë ndërsa burri 43-vjeçar tentonte të fuste të miturën në një bodrum.
Burime nga vendi i ngjarjes bëjnë me dije se e mitura ka bërtitur dhe kjo ka sjellë edhe reagimin e fqinjëve, që njoftuan mamanë e vajzës, G. Lleshi, e cila denoncoi fqinjin e saj, e ky i fundit u arrestua nga policia në kushtet e e flagrancës. Vajza e mitur është marrë nga psikologët e shërbimit social, ndërkohë që i është nënshtruar edhe ekzaminimit shëndetësor, ku ka rezultuar se ndaj saj nuk janë kryer marrëdhënie intime.
33-vjeçarja nga Bulqiza u përfol se dhunoi të dashurin, duke e dëmtuar në organet gjenitale, por një ditë më parë në një intervistë për News 24 ajo e mohoi një fakt të tillë.
BW
