Dy shqiptarë, të akuzuar për shpërndarje droge, janë arrestuar ditën e sotme nga policia italiane. Sipas mediave të vendit fqinj, në prangat e policisë kanë rënë dy të rinj, 20 dhe 24-vjeç, identiteti i të cilëve nuk bëhet i ditur. Policia ka rënë në gjurmët e tyre pas raportimeve të disa banorëve.
Ata kryen kontrolle në zonë dhe rrethuan ndërtesën ku jetonin dy shqiptarët, nga ku ndaluan edhe një klient i cili sapo kishte mallin nga ta. Gjatë kontrolli në banesë policia gjeti mbi 200 gramë kokainë, e cila ishte ndarë në doza, ishte paketuar dhe ishte bërë gati për t’u shitur. Ata gjetën gjithashtu edhe 1000 euro, të cilat ishin përfituar nga shitja e mallit.
