Kreut të Shoqatës së ish-të dënuarve i duket e turpshme që ende ngrihet pyetja nëse ekzistonte përdhunimi si formë shtypjeje e torture nëpër zyrat e hetuesive apo nëpër burgje. Madje, me armë në dorë, oficerë të Sigurimit futeshin edhe nëpër shtëpitë e familjeve me probleme në biografi. Tanush Kaso rrëfen variantin e tij mbi përdhunimet, duke ofruar raste dhe emra konkretë.
I pyetur për artistet nëse ishin ato më të lakmuarat, ai tha në një intervistë për Panorama se “mbase dhe ishin, por nuk ishte kategoria që ishte e nevojshme për t’i përdhunuar, sepse shumica ishin të gatshme vetë.”
Për intervistën e kantautorit Gjergj Leka, ai u shpreh: ” E kam lexuar edhe intervistën e Lekës dhe me keqardhje më duhet të them se ato që ka thënë janë vetëm maja e ajsbergut”.
Por, se çfarë ka në shtresat nënujore, Kaso shprehet hapur: “Orgji”!
Në vitet 50-60 ka ndodhur një skandal i madh seksual me artistët në Tiranë. Këngëtarë, aktorë, balerinë ishin ftuar nga një ambasadë e huaj këtu dhe kishin kërcyer nudo, duke përfunduar deri në orgji. Fjalët i nxorën vetë pjesëmarrësit në festë, por nuk u lejua të bëhej zhurmë për këtë gjë se degjeneronte sistemi…
… Ndodhte shpesh, por jo vetëm me artistët. Ushtarakët gjithashtu, kur organizoheshin mbrëmje vallëzimi, u çonin vajzat e Kombinatit Tekstil. Në Kombinat çonin kryesisht vajza beqare për t’i përdorur pikërisht për këtë gjë. Madje, meqë shumë prej tyre patën fëmijë ilegalë, ndërtuan, ka qënë deri vonë aty, një kapanon, që quhej kapanoni i beqareve.”
Pjesë nga intervista
Meqë përmendët artistet dhe kjo temë u ringacmua pikërisht nga njëra prej tyre, a ishin ato më të lakmuarat?
Po mbase edhe ishin, por nuk ishin kategoria që ishte e nevojshme për t’i përdhunuar, sepse shumica ishin të gatshme vetë.
Me këtë, ju thoni se sulmet që i bënë kolegët kantautorit Gjergj Leka, për disa deklarata që bëri në media, ishin të padrejta…
E kam lexuar edhe intervistën e Lekës dhe me keqardhje më duhet të them se ato që ka thënë, janë vetëm maja e ajsbergut. Nuk jam e sigurt nëse dua të di përgjigjen, por pyetjen më duhet ta bëj; çfarë ka në shtresat nënujore? Orgji. Në vitet ’50’60, ka ndodhur një skandal i madh seksual me artistët në Tiranë. Këngëtarë, aktorë, balerina, ishin ftuar nga një ambasadë e huaj këtu dhe kishin kërcyer nudo, duke përfunduar deri në orgji. Fjalët i nxorën vetë pjesëmarrësit në festë, por nuk u lejua të bëhej zhurmë për këtë gjë, sepse degjenerohej sistemi.
Ishte rutinë kjo gjë?
Ndodhte shpesh, por jo vetëm me artistët. Ushtarakëve, gjithashtu, kur organizonin mbrëmje vallëzimi u çonin vajzat e Kombinatit Tekstil. Në Kombinat çonin kryesisht vajza beqare për t’i përdorur pikërisht për këtë gjë. Madje, meqenëse shumë prej tyre patën fëmijë ilegalë, ndërtuan, ka qenë deri vonë aty, një kapanon, që quhej kapanoni i beqareve.
