Ambasadori i SHBA në Kosovë, Jeffrey M. Hovenier, ka dhënë një deklaratë për mediat pas takimit që ka zhvilluar me presidenten e Kosovës Vjosa Osmani.
Ai theksoi se SHBA, sulmin në Veri e konsideron akt kriminal ndërsa shtoi se Kosova dhe Serbia duhet të bien dakord për paqe.
Më tej ai nënvizoi se situata është serioze për të gjithë partnerët ndërkombëtarë.
“Ka pasur një koordinim mes ndërkombëtarëve dhe policisë së Kosovës. Jemi shumë të shqetësuar për këtë sulm dhe është një sulm i pajustifikueshëm ndaj Kosovës. Ne besojmë se SHBA është në koordinim me policinë e Kosovës. Ka një mungesë informacionesh të theksuar. Situata është serioze, të gjithë partnerët ndërkombëtarë. Nuk është e drejtë që qytetarët në Kosovë të ndihen të kërcënuar nga sulmet e këtij lloj.
Jam i shqetësuar për përplasjen me armë në Veri. Ne e konsiderojmë si akt kriminal. Është shumë e rëndësishme që ne të zgjidhim situatën mes këtyre dy shteteve në mënyrë që të ketë dialog. Serbia e Kosova duhet të kuptojnë se duhet të qetësohet situata. Nuk kemi pse të negociojmë për terma konkretë, palët duhet të bien dakord për paqen. Të respektojnë territoret e njëra tjetrës. Duhet të vazhdojmë punën me të dyja palët”-tha ai.
/f.s
