Presidenti i Rumanisë, Nicusor Dan, ka thirrur një mbledhje urgjente të Këshillit të Mbrojtjes pas sulmit me dron rus pranë qytetit Galaçi. Në një deklaratë publike, kreu i shtetit rumun theksoi se ngjarja përbën një situatë të paprecedentë dhe kërkon një reagim të koordinuar në nivel ndërkombëtar.
“Natyra e paprecedentë e ngjarjes kërkon një përgjigje të vendosur, të koordinuar dhe të përshtatshme në nivel kombëtar, aleat dhe ndërkombëtar”, deklaroi Dan.
Presidenti rumun fajësoi drejtpërdrejt Rusinë për incidentin, duke e cilësuar atë si pasojë të drejtpërdrejtë të luftës në Ukrainë dhe mënyrës së operimit të forcave ruse pranë kufijve të NATO-s.
“Deklaroj me vendosmërinë më të madhe se përgjegjësia e plotë për këtë incident i takon Federatës Ruse. Ajo që ndodhi sot në Galaçi është pasojë e drejtpërdrejtë e luftës së agresionit të Rusisë kundër Ukrainës”, tha ai.
Sipas presidentit, Moska po përdor sistemet e saj të armëve në mënyrë të papërgjegjshme dhe pa dallim në afërsi të territorit të NATO-s, duke shpërfillur sistematikisht të drejtën ndërkombëtare.
“Nuk ka asnjë paqartësi në lidhje me autorin ose shkakun e këtij agresioni”, shtoi Dan.
Ai bëri të ditur se forcat e armatosura rumune kanë vepruar në përputhje me procedurat ushtarake, por autoritetet vendosën “të mos angazhohen me objektivin” gjatë incidentit.
Po sikur droni të mos ketë qenë rus,por me flamur të remë,mund të jetë nisur edhe nga Ukraina që nuk është në NATO dhe që do me çdo kusht që ta futë NATO-n në luftë me Rusinë?!… NATO është një pakt agresiv ushtarak që ka vrarë 1.000.000 irakenë të pafajshëm dhe mes tyre 5.00.000 fëmijë sipas OKB-SË