Kryeministri Edi Rama është ndalur pasditen e sotme në qytetin e Korçës për të zhvilluar një dëgjesë me qytetarët. Teksa ka dëgjuar shqetësimet e qytetarëve që kryesisht lidheshin me problemet me pronën, një qytetare korçarë ka ngritur zërin për problemet me të cilat përballen sot sportistët.
Fillimisht, fjalën e saj e ka nisur me një pyetje drejtuar kryeministrit Rama, për të vijuar më pas me kërkesën e saj.
Qytetarja: Sa herë e ke veshur bluzën e kombëtares?
Rama: Po ça hyn kjo?
Qytetarja: Jo, dua ta di. Se unë e kam veshur tërë jetën. Ti duhet të më kuptosh se je sportist vetë. Unë s’mund të bëhen basketbolliste, por as ju nuk mund të bëheni atlet. Unë dua që të vlerësohet puna e ne sportistëve. Kam gjithë ato medalje dhe asnjë vlerësim. S’mund të paguhem sa një mësuskë e thjeshtë. Ose të paktën të na ulen orët e mësimit, edhe të ndihemi më rehat.
Ja kam thënë Nikos (Peleshit) këtë, ja them edhe Edit, s’e kam problem. Se më kupton, është sportist. Edhe Ilirit, ia them (Metës) se dhe ai sportist është.
