Aleanca e Altantikut të Veriut testoi teknologjinë e re të fushëbetejës, duke përfshirë sistemet e dronëve dhe kundër-dronëve, gjatë një demonstrimi në bazën ushtarake Adazi në Letoni.
Komandanti Suprem i Forcave Aleate për Transformimin e NATO-s, Admirali Pierre Vandier, tha se stërvitja tregoi hapin tjetër për standardet e komunikimit dhe “shtyllën kurrizore digjitale”. Ai tha se 5G u përdor për të bashkuar informacionin për synimin.
“Sot pamë për herë të parë grupe njerëzish që punojnë së bashku. Dhe kjo është e mundur nga këto teknologji të reja duke përdorur kuptimin digjital dhe të mundësuar nga inteligjenca artificiale të situatës. Këto sisteme C-UAS po mbërrijnë.
Mendoj se duhet të bëjmë gjithnjë e më shumë njësi vetëmbrojtëse për t’u siguruar që çdo gjë që mbërrin nga Rusia do të jetë gati për to. Dhe kështu shpejtësia e ndryshimit tani është aty”, tha Admirali Pierre Vandier, Komandant për Transformimin e NATO-s.
Shefi i Mbrojtjes së Letonisë, Kaspars Pudans, tha se teknologjitë tani duhet të shkojnë përtej demonstrimeve dhe testeve dhe të përdoren në operacionet e vazhdueshme. Sipas faqes së internetit të Agjencisë së Komunikimit dhe Informacionit të NATO, demonstrimi ishte pjesë e Eksperimentimit të Shtyllës Digjitale të cilin NATO po e zhvillon nga 19 deri më 30 tetor.
“Eksperimentimi i këtij viti përqendrohet në shtyllën kurrizore digjitale të NATO-s; shtresa themelore e softuerit të integruar, rrjeteve dhe infrastrukturës që u lejon forcave aleate të lidhen, të ndajnë të dhëna dhe të veprojnë së bashku”, thuhet në faqen e internetit.
