Të tjera dëshmi u dhanë sot në Gjykatën e Krimeve të Rënda në kuadër të çështjes “Shullazi”. Një prej dëshmitarëve ishte edhe biznesmeni nga Lushnja Adriatik Kërçuku, të cilit i vendosën tritol te prona e tij.
Ai deklaroi se dy ditë para se t’i vendosnin lëndë plasëse, dy persona i thanë se Shullazi donte ta takonte. Ndërkohë ai thotë më tej se nuk e njihte Emiliano Shullazin dhe se nuk e ka takuar kurrë.
“Dy ditë para se të më vendosnin tritol më takuan dy persona, më thanë Shullazi do të takojë”, tha biznesmeni Kërçuku në gjyq.
Më tej ai tha se takimi që i kërkuan nuk u zhvillua. Ndërkohë, në lidhje me kërcënimin e rektorit Mynyr Koni, është kërkuar nga gjykata marrja e dëshmive nga Dhori Kule, Saimir Tahiri, Haki Çako, Majlinda Keta, Mynyr Koni, dhe Klodeta Dibra./a.m.
