Deputeti demokrat Halit Valteri referuar rishikimit të buxhetit tha se shteti është në prag kolapsi si në 1997.
Sipas tij, një gjë e tillë nuk do të ndodhte nëse qeveria do të ndalonte dhënien e koncesioneve milionëshe, e do të mendonte më shumë për shqiptarët.
“Shteti në kolaps si në 97, nuk funksionon dhe militanti më i flaktë i Rilindjes ka filluar të dyshojë tek ju. Ekonomia është në ditët e veta më të zeza, nevoja për të lënë vendin, më e madhe se kurrë ky është bilanci i rilindjes për 7 vjet dhe kjo ndodh se ju kolegë nuk i keni dalë kundër urdhrave që vijnë nga partia për të dhënë koncesione dhe para të shqiptarëve. Cdo shqiptar nëse pyetet të gjithë janë të pakënaqur, jo se ndodhi Covidi dhe tërmeti, se po të kishit hequr dorë nga koncesionet gjatë covidit edhe ministrja do e kishte më të lehtë të paguante tre pagat e luftës, shqiptarët janë në hall dhe juve nuk ju behet vonë, se 300 milionë eurot i keni shifra dhe emra për ata që ju mbajnë dhe ju urdhërojnë. Shqiptarët kanë nevojë për njerëz të përgjegjshëm, që ti presin te spitali, te hipoteka, policia, nuk kanë nevojë të dëgjojnë përralla e dokrra, janë të dhunuar nga shteti, policia, nga drejtësia, janë me hije, e kanë më të lehtë të ikin nga ky vend, janë të shtypur nga ju dhe ju lutem zonja ministre kur të vini këtu e të thoni ca keni bërë, tregojini shqiptarëve sa e kanë marrë pagën e luftës, nuk e keni fajin ju këtu, jeni njeriu më pa faj, e kanë fajin koncesionet”- tha ai.
Në fund, nisur nga infektimi me koronavirus të tre deputetëve, ai iu drejtua me një kërkesë kreut të Kuvendit, Ruci.
“Zoti Ruci, për shkak të asaj që u ndodhi kolegëve, ju urojmë shërim sa më të shpejtë, pas seancës së fundit të gjithë deputetet të bëjnë tamponin”- tha ai.
g.kosovari
