Vetëm tre ditë pas arrestimit, lirohet pronari i bar “Barons”, Artur Terziu, i cili u prangos me akuzën se kishte ndërhyrë në strukturën e pallatit 6-katësh, i cili u shemb nga tërmeti i 26 nëntorit.
Ai u arrestua pasi u akuzua se kishte ndërhyrë në strukturën e pallatit në lagjen ‘Dy Gjelat’ në Durrës, ku edhe për shkak të tërmetit pësoi dëmtime të rënda, duke i marrë jetën dy personave. Por gjithsesi gjykata e Durrësit i ka hequr akuzën e vrasjes pas ekspertizës për shembjen e pallatit dhe si rrjedhojë ka vendosur ‘detyrim paraqitje’.
Sipas ekspertizës shkak për shembjen e pallatit ka qenë cilësia e dobët e betonit dhe jo ndërhyrja në katin e parë për ta përshtatur në lokal. Tani Terziu do të hetohet vetëm për falsifikim dhe ndërtim pa leje.
Gjithsesi prokuroria e Durrësit ka ankimuar vendimin e gjyqtarit Paulin Cera, i cili ndër të tjera ka vendosur detyrim paraqitje dhe për Arben dhe Dëshira Qaton, çfitit që është pronar i Vilma Palma, gjithashtu të shembur nga tërmeti.
Aktualisht këta të dy ndodhen të shtruar në një spital në Tiranë, ndërsa prokuroria ka vendosur gjithashtu të apelojë vendimin për Arben Qaton.
g.kosovari
