Prej disa orësh familja Muça në Ballash ka hapur dyert e mortit. Shkëlqim Muça, 40 vjeç, babai i 5 fëmijëve ndërroi jetë mbrëmjen e së enjtes në mesnatë gjatë një shpërthimi të fuqishëm në rafinerinë e Ballshit.
Vaji dhe dëshpërimi ka përfshirë familjen disa anëtarëshe. Pak vite më parë, Muça kaloi një moment tragjik pasi bashkëshortja e tij e parë ndërroi jetë.
Prej 25 vitesh, Shkëlqimi punonte si naftëtar në Ballsh deri momentin kur jeta e tij u shua në mes pas shpërthimit të fuqishëm në Uzinë.
Familja e tij mbahej ekonomikisht vetëm më rrogën që siguronte Shkëlqimi gjatë punës në Uzinën e Ballshit.
Një bombol hidrogjeni shpërtheu në repartin numër 3 të Uzinës së Ballshit duke shkaktuar 1 të vdekur dhe 7 të plagosur, mes të cilëve njëri ndodhet në gjendje kritike për jetën./Shqiptarja
