Ish- gjyqtari i Gjykatës së Tiranës, Bledar Abdullai ka kërkuar nga ONM nisjen e procedimit disiplinor për anëtaren e KPA, Natasha Mulaj (Haklaj).
Sipas dokumentit që ka siguruar gazetarja Klodiana Lala për BalkanWeb, Abdullai në kohën kur ka qenë gjyqtar ka gjykuar çështje të disa personave që rezultojnë familjarë të Natasha Mulajt, siç është rasti i Zylfie Halkajt të cilën ai e dënoi me 25 vite burg për vrasje.
Abdullai kërkon që anëtarja e KPA të procedohet dhe këtë ja kërkon ONM ose në të kundërt do të bëjë kallëzim në SPAK për këtë çështje.
Gjyqtari u shkarkua nga KPK dhe KPA la në fuqi vendimin më 20 qershor të 2019 duke shkarkuar përfundimisht Bledar Abdullain edhe pas ankimimit. Trupi gjykues i përbërë nga Luan Daci, Albana Shtylla relatore dhe anëtarë Ina Rama, Ardian Hajdari, dhe Natasha Mulaj lanë në fuqi vendimin por për këtë të fundit Abdullai ka kërkesa.
Jo vetëm Zylfie Haklaj, por rezulton se dhe për vëllain e saj Admir Mulaj ka dhënë një vendim.
