Ish- ministri i jashtëm, Tritan Shehu, e ka komentuar si dramatik vendimin e Britanisë për të dalë nga BE-ja. Sipas Shehut, efektet e këtij vendimi janë të mëdha, pasi Britania është një nga aktorët kryesor të Bashkimit Europian dhe një nga shtetet më të rëndësishme të BE-së.
“Dalja krijon probleme të mëdha për Britaninë dhe mund të fusë në një spirale negative BE-në. Është humbja më e madhe e vlerave demokratike dhe prosperitetit njerëzor”, ka deklaruar Shehu.
Sipas tij, BE-ja duhet të mendojë për pasojat, në mënyrë që ato të jenë sa më të vogla, pasi egziston rreziku që ky precedent mund të përsëritet edhe në vendet e tjera
“Ende nuk mund të parashikohet se cilat do të jenë pasojat. Egziston rreziku i përhapjes së “Jo”-së britanike edhe në vende të tjera të Europës. Nëse do të largohej edhe Franca dhe Italia, ku ndihet një frymë e tillë, kjo do të ishte me pasoja shkatërrimtare. Vendimi i britanikëve krijon probleme serioze edhe për vendet e rajonit. Ky do të ishte një kolaps për BE-në”, shprehet Shehu.
Me. Ar
