Administrata amerikane e Ushqimit dhe Barnave (FDA) ka dhënë autorizimin për përdorimin e ilaçit kundër Ebolës, “Remdesivir” për trajtimin e koronavirusit. Sipasmediave të huaja ky ilaçi mund të përdoret për njerëzit me Covid-19 që janë në gjendje të rëndë.
Ky autorizim është dhënë pas një prove klinike, ku tregoi se ilaçi ndihmoi që njerëzit që ishin në gjendje kritike për jetën të shëroheshin më shpejt.
Por autorizimi me urgjencë nga FDA nuk është i njëjtë me aprovimin zyrtar, i cili kërkon një nivel më të lartë shqyrtimi. Ekspertët kanë paralajmëruar gjithashtu se ilaçi, i cili u krijua fillimisht për të trajtuar Ebolën dhe prodhohet nga një kompani farmaceutike ‘Gilead’ nuk duhet të shihet si një “plumb magjik” për shërimin e koronavirusit.
Gjatë një takimi me Presidentin amerikan Donald Trump, në Zyrën Oval, Shefi Ekzekutiv i “Galeadi’, Daniel O’Day, tha se autorizimi i FDA ishte një hap i rëndësishëm dhe se kompania do të dhurojë 1.5 milion shishe të vogla të ilaçit.
Testi i fundit mbi remdesivir tregoi se, ilaçi uli me 31% shtrimin në spital të pacientëve, kundrejt atyre që kishin marrë një trajtim placebo.
Studimi sinjalizon se kjo kurë ka më shumë efikasitet kur merret në fazat e para të infeksionit. Instituti për rishikimin klinik dhe ekonomik, që vlerëson efikasitetin e medikamentit për t`i vendosur edhe një çmim, ka vlerësuar se për një kurë 10 ditore ky çmim do të fiksohet në $10 për Remdesivir. Aksionet e kompanisë janë rritur me 26% këtë vit.
g.kosovari
