“Kurir” serb ka shkruar për nominimin e filmit “Shok” për çmimin Oscar, duke e cilësuar këtë si propagandë shqiptare në Hollywood pasi filmi ka përmbajtje të ngjarjeve të luftës në Kosovë.
Ngjarja në film është mes dy shokëve fëmijë që përballen me dhunën dhe terrorin që kanë ushtruar forcat paramilitare serbe në Kosovë gjatë vitit 1998, transmeton Koha.net. Ata kanë cituar drejtorin e Qendrës Kinematografike të Kosovës, Arben Zharkun i cili ka shkruar në llogarinë e tij në Facebook: “Hap i madh përpara për industrinë e filmit në Kosovë”.
Më tej thuhet nga ai se ky është një sukses i madh i filmit në Kosovë duke hapur dyert e pjesëmarrjes së filmave tjerë të Kosovës në ngjarje të mëdha të filmit.
