Ministri i Jashtëm i Austrisë, Sebastian Kurz ka deklaruar se Bashkimi Evropian (BE) nuk ka nevojë të lidhë marrëveshje me Turqinë për ndalimin e emigrantëve ilegalë, transmeton Gazeta Express. Në një intervistë për Focus Onlinë, Kurz, në lidhje me deklaratat e Turqisë se do të anulojë marrëveshjen për emigrantët me BE, shprehu “Nuk kam dijeni nëse Turqia do ta anulojë marrëveshjen.
Por në këto momente Turqia po bën presion dhe kërcënime për liberalizimin e vizave. Por ne nuk duhet ta lejojmë të na bëjë shantaz, prandaj BE nuk ka nevojë për një plan B por kemi nevojë për një plan A të vërtetë. Kemi nevojë një BE të fortë që ruan kufijtë e saj”.
Ndërsa pyetjes se a duhet të përgatitet që tani Evropa për një anullim të marrëveshjes Ministri i Austrisë Kurz u përgjigj se Evropa është e fortë sa të ruajë kufijtë e saj.
“Duhet të marrim shembull Austrinë dhe Spanjën që ndaluan me sukses mbërritjet e emigrantëve. Ne duhet ti mbledhim emigrantët ilegalë në ishuj dhe pastaj ti dërgojmë në shtete të vendeve të treta.
Përgjithësisht jemi kundër lëvizjes së emigrantëve në shtetin tonë por edhe nuk mund të vështrojmë ndërsa shteti “pushtohet” nga ta. Nuk dëshiroj të jetoj në një Evropë të tillë por nëse marrim masat e nevojshme atëherë nuk kemi nevojë për plan B. Prandaj edhe nuk do të kemi nevojë për marrëveshje me Turqinë.” shprehu ministri austriak. (b.an)
