Ndërsa po rriten tensionet në Lindje të Afërt, kanali zyrtar televiziv i Ministrisë Ruse të Mbrojtjes, ka dhënë një paralajmërim rrëqethës për qytetarët e saj – se shumë shpejt mund të ndodh një luftë bërthamore me Perëndimin, transmeton Zeri.info.
Siç raporton revista ‘The Times’, rrjeti televiziv ‘Zvezda’, javën që shkoi ka bërë të ditur se ‘skizofrenët nga Amerika, po mprehin armët bërthamore për Moskën”.
Tensionet e reja vijnë në vazhdën e suspendimit të marrëveshjes me Rusisë dhe Shteteve të Bashkuara të Amerikës rreth disponimit me plutonium, ndërsa zyrtarët rus kanë konfirmuar se në vendin e tyre po ndërtojnë bunkerë nëntokësorë ku mund të strehohen mbi 12 milionë qytetarë, çka mjafton që të strehohet e tërë popullata e Moskës.
Si Rusia ashtu edhe anëtarët e NATO-s, janë të afta që të ndërmarrin sulme nukleare, sepse janë në posedim të më shumë se 1500 kokave me mbushje bërthamore, citohet “ZËRI”. (b.an)