Sulmi i regjistruar të dielën e kaluar në një lagje të Bagdadit nga grupi xhihadist i Shtetit Islamik (ISIS) shkaktoi të paktën 292 të vdekur, sipas një bilanci paraprak të publikuar sot nga Ministria irakiane e Shëndetësisë.
“Identiteti i 177 personave të vrarë në sulmin që kishte në shënjestër një lagje tregtare të kryeqytetit është ende në fazë verifikimi, ndërsa 115 trupa të pajetë u janë kthyer familjarëve të tyre”, njoftoi ministrja e Shëndetësisë, Adila Hammoud./a.k
