Ish-kryeministri i Italisë, Romano Prodi, ka treguar një episod të veçantë për gazetën “Il Fatto Quotidiano”, lidhur me luftën në Irak. Prodi ka treguar për një përplasje midis kryeministrit britanik në atë kohë, Tony Blair, dhe presidentit të Rusisë, Vladimir Putin, i cili ishte kundër pushtimit të Irakut.
Episodi ka ndodhur në mbledhjen e G8, mbajtur në Paris.
“Putin u ngrit nga tavolina dhe i bërtiti Blairit: ‘You are not God’ (ti nuk je Zoti)”, tregon Prodi.
Politikani italian thotë se lufta në Irak përçau gjithë Europën dhe aleancat.
Sipas tij, këto gabime vijuan edhe me ndërhyrjen kundër Gedafit dhe po vazhdojnë edhe me Iranin.
