Policia ka tashmë një të dyshuar për vrasjen e dy turistëve çekë në Dukagjin mbrëmjen e së premtes. Mësohet se ai është një 25-vjeçar i cili gjendet në mesin e të shqëruarve nga policia.
Ndërkohë banorë të zonës kanë dhënë informacione edhe për itenerarin e turistëve cek. Michael Svatos dhe Anna Kasinova kanë fjetur një natë në Theth, në një kamp, ndërsa kanë qënë vetëm të pashoqëruar nga askush. Në këtë vend ato janë parë nga banorë të zonës të cilët kanë shquar ciftin e të rinjve të cilët kanë qënë përsëri vetëm. Pastaj të rinjtë kanë lëvizur në drejtim të Shkodres ku janë ndaluar përsëri pranë malit të Shoshit. Në këtë vend policia dyshon se janë njohur me autorin i cili u ka kërkuar që ta marrin me vete në drejtim të Shkodres.
Turistët kanë pranuar dhe në udhëtimin drejt Shkodres turistët janë ndaluar edhe në Prekal, ndërsa këtu dyshohet se autori ka lajmëruar bashkëpuntorët e tij për të ngritur pritën pranë fshatit Ura e Shtrenjtë. Në këtë vend autori pa paralajmërim ka qëlluar me kallashnikov, të cilin e kishte fshehur mirë, ndaj tyre pas koke duke i ekzekutuar në vend. Automjeti ka ëvizur për disa metra dhe është përplasur me pjesën e malit. Në këtë moment autori ka dalë nga automjeti dhe ka bërë një kontroll trupor viktimave duke lënë shenja gjaku në kroskod, por nga frika se po e shikonte kush në rrugë pasi 200 m larg fuoristradës me viktima ka qënë një mjet tjetër, autori ka lënë kallashnikovin në vendin e ngjarjes dhe është future në fuoristradën që drejtohej nga bashkëpunëtorët e tij për tu larguar drejt Dukagjinit.
