Paniku i grekëve ndaj pasojave të krizës dhe rezultatit të referendumit nuk është shfaqur vetëm në radhët e gjata para bankomateve, por mbi të gjitha në dyndjen drejt dyqaneve dhe supermarketeve. Frika prej një kolapsi të mundshëm ekonomik ka bërë që grekët të blejnë gjithçka që ka date skadence të largët. Gra, burra të moshuar dhe studentë janë parë rrugëve të qyteteve të mëdha duke tërhequr karroca të mbingarkuara me ushqime bazike si sheqer, miell dhe makarona.
Pamjet e mediave ndërkombëtare tregojnë rafte të shumta dyqanesh bosh, ku njerëzit nuk kanë dashur t’i lënë asgjë rastësisë duke marrë gjithçka që mund të mbahet gjatë.
