Planet për liberalizim të vizave për në Evropë për 127 milionë qytetarë nga Kosova, Turqia, Ukraina dhe Gjeorgjia pritet të realizohen këtë javë nga zyrtarët e BE-së.
Sipas propozimeve që pritet të konfirmohen nga Komisioni Evropian, turistët nga këto vende do të jenë në gjendje të udhëtojnë lirshëm përbrenda zonës 26 anëtarëshe Schengen deri në 3 muaj, shkruan “Daily Mail”, transmeton Koha.net.
Mirëpo, në një shkrim të publikuar në Reuters në lidhje me lëvizjen e lirë për turqit, thuhet se lëvizja e lirë për qytetarët e Turqisë nuk do të arrihet pa i plotësuar edhe 72 kushte ligjore e teknike.Megjithatë, gjithnjë sipas agjencisë së lajmeve Reuters, rasti i Kosovës, i Ukrainës dhe i Gjeorgjisë do të zyrtarizohet të mërkurën.
Kurse Presidenti i Kosovës, Hashim Thaçi, në një shkrim të postuar në faqen e tij në Facebook, te dielen bëri me dije se liberalizimi do të ndodhë së shpejti. (b.an)
