EKSKLUZIVE/ Mund të duket një paradoks. Ajo sot është një yll dhe një ikonë e vërtetë e ekranit televiziv, por në fëmini ajo ka pasur frikë të madhe nga televizori. Ka filluar punë në “Top Channel” 12 vjet më parë dhe nuk e kishte imagjinuar kurrë se do të qëndronte kaq gjatë në këtë perandori mediatike. Sot ajo është shëmbulli më i mirë se sa larg mund të ecë një njeri falë këmbunguljes dhe talentit. Por në fëminë e saj gjërat nuk kanë qenë lidhur me botën televizive.
Ajo ëndërronte të bëhej mësuese dhe për këtë qëllim kishte ndërtuar edhe klasën e saj me kukulla-nxënëse, të cilat I zhdëpte jo pak, si dhe i pëlqente të thurte me shtiza dhe grep. Deri vonë ka besuar se babagjyshi i vitit të ri egziston. Vdes për pulë me pilaf, thonë miqtë e saj. Për momentin ajo prezanton spektaklin e humorit “Portokalli” në krah të Salsano Rrapit dhe Eneida Tarifës. Por njihuni me një kolazh fotosh të fëmijërisë saj, të papublikuara më parë të Xhemi Shehut.
(javanews.al) M. A
