Donald Trump urdhëroi dje ngritjen e një muri në kufirin me Meksikën. Muri pritet të kushtojë 25 miliardë dollarë. Trump tha se muri do të paguhet nga Meksika. Por presidenti i Meksikës Neto ka refuzuar të paguajë. “Ne besojmë në ura, jo në mure. Nuk kam ndërmend të paguaj asnjë qindarkë”, tha Neto sot.
Ndërkohë pak më pas i është përgjigjur nëpërmjet rrjeteve sociale presidenti amerikan Trump.
“Amerika ka një defiçit tregtar 60 miliardë dollarë me Meksikën. Ka qenë një marrëveshje me përfitim të njëanshëm që prej nisjes së NAFTA-s, dhe kemi humbur shumë vende pune. Nëse Meksika nuk dëshiron të paguajë për murin, atëherë do të ishte mirë që presidenti Neto të anulojë takimin e ardhshëm në Uashington”, tha Trump.
ma.me
