Është mbledhur komisioni parlamentar për Reformën Zgjedhore, ku po diskutohet materiali i dorëzuar nga partitë, lidhur me këtë Reformë. “Thembra e Akilit” duket se është votimi elektronik, pasi kjo problematikë po mbizotëron në debatet mes anëtarëve të komisionit.
Bashkëkryetari i komisionit, deputeti i PD-së, Oerd Bylyklbashi, u shpreh në fjalën e tij se shqetësimet për zgjedhjet duhen trajtuar me përparësi.
“Cdo lloj shkarje nga problematika që vuajnë zgjedhjet në Shqipëri vetëm sa nuk realizojnë reformën. Dokumenti kërkon rishikim politik për të ardhur në vendimarrje. Komisioni duhet të ketë përparësi votimin dhe numërimin elektronik. Korruptimi i komisionerëve, marrja e kartave të identietit duhen parë me përparësi. Financimi i partive duhet parë me kujdes në mënyrë që paraja kriminale të mos hyjë në zgjedhje. Të reduktojmë paratë për fushatë. Shitblerja e votës të kthehet në dënim maksimal. Zgjedhjet nuk mund të kenë standarde nëse nuk merren parasysh ato që kërkon opozita. Duhet vendimarrje politike, jo thjeshtë reflektim”, u shpreh Bylykbashi.
Por i menjëhershëm ka qenë edhe reagimi i bashkëkryetarit të këtij komisioni përfaqësues i PS, Taulant Balla, i cili në fjalën e tij ka nënvizuar se duhen identifikuar tematikat e problematikës zgjedhore dhe mbi to të ndërtohen propozimet e palëve.
“Nuk ka rëndësi numërimi i cështjeve, por të diskutojmë për sistemin, votimin dhe numërimin elektronik. Ka votim elektronik të plotë që identifikon elektronikisht edhe zgjedhësit. Nuk kemi ndasi të mëdha dhe le të fillojmë. Nuk kam thënë se jam kundër votimit elektronik. Por ne kemi mandat që të implementojmë rekomandimet e OSBE/ ODHIR. Do të mbështetemi në raportet dhe problematikat e identifikuara nga OSBE/ ODHIR”, ka deklaruar Balla.
“ Votimi elektronik, numërimi elektronik, procesit të dekriminalizimit si një proces jashtëzakonisht të rëndësishëm, uljen e kostos së fushatës së zgjedhjeve dhe mënyrën e përdorimit të financave të buxhetit të shtetit, shmangien e parave të krimit dhe të korrupsionit, si dhe garantimi i aksesit në media i aktiviteteve të partive politike”.Mbledhja vjen pas debateve kohët e fundit mbi teknologjinë në votim. Partitë e vogla ndahen për sa i përket teknologjisë, ato të rreshtuara pranë opozitës kërkojnë votim dhe numërim, ndërsa Partia për Drejtësi Integrim dhe Unitet, por dhe partia “LIBRA” propozon që elektronika të përdoret vetëm në numërim e votave. Opozita ka paralajmëruar bojkot të Kuvendit nëse nuk pranohet votimi dhe numërimi elektronik në zgjedhjet e 18 qershorit.
ma.me
