Mazhoranca ka reaguar pas marrjes së një përgjigjeje nga Partia Demokratike e cila rendiste disa kushte për t’u ulur për dialog për rikthimin në KUvend. Kreu i Grupit të PS Gramoz Ruçi, deklaroi se mazhoranca është e gatshme për dialog në çdo kohë dhe ku të dojë PD.
Ai tha se dialogu është i nevojshëm për të mirën e vendit, duke shtuar se ka shumë për të diskutuar rreth pikave të PD.
“Kjo maxhorancë ka qenë dhe mbetet e gatshme për dialog me opozitën. Ka shume për te folur edhe për katër pikat e propozuara e sapo shtruara nga opozita dhe jemi të gatshëm të ulemi ne Kuvend, në komisione apo ku të dëshirojë Partia Demokratike. Qeveria dhe opozita duhet të dialogojnë gjithnjë për reformat e mëdha dhe çdo çështje ne interes te vendit e te qytetareve; kush është në qeveri e kush në opozite e vendos vetëm populli me votën e tij. deklaroi Ruçi.
/a.m.
