Peticionin pro Vettingut nga tendat e ngritura në Korçë e firmosi edhe zëvendëskryeministri Niko Peleshi.
Peleshi komentoi edhe zhvillimet më të fundit politike mes mazhorancës dhe opozitës.
“Është pikërisht në frymën në interes të vendit. Nuk duhet të sakrifikojmë reformën për shkak të interesave të tjera. Dekriminalizimi është firmosur dhe zbatimi është çështje e institucioneve. Fenomenet e tjera që përdoren për bojkot, p.sh lufta kundër kanabis kemi finalizuar planin e veprimit për parandalimin dhe trafikimin. Me bashkëpunimin e partnerëve tanë. Kemi një draft që do të prezantohet së shpejti. Do të ulen të gjithë aktorët që kanë një rol të caktuar”, tha Peleshi.
Është reformë që i tejkalon axhendat. Mund të ndahemi mes partive për shumë çështje, por janë disa që qëndrojnë mbi të gjitha axhendat. Thirrje që duhet të dëgjohet. Asnjë aksion nuk mund të jetë më i rëndësishëm. Ftoj qytetaret t’i bashkohen nismës për një të mirë”.
Lidhur me qeverinë teknike që ka kërkuar opozita, Peleshi u shpreh se: “Kam përshtypje që shmangia e axhendës kryesore nuk mund të bojkotohet nga axhenda të tjera që nuk kanë bazë. Jemi pranë zgjedhjeve ku çdo parti do të testojë sjelljen e saj në popull. Ne nuk kemi qenë perfekt, por kemi bërë shumë, kemi finalizuar reforma të rëndësishme dhe jemi të hapur për të testuar veten në zgjedhje. Do të fokusohemi tek punësimi. Papunësia dhe varfëria janë këto fenomene do t’i shpallim luftë dhe jo partive politikë”.
