Mes shifrës 1,200 dhe 3,000 evropianë që kanë jetuar apo luftuar me organizatën xhihadiste të Shtetit Islamik (ISIS) në Irak dhe Siri mund të rikthehen në Evropë, sipas një raporti të ekspertëve që i bëjnë thirrje vendeve të përfshira për t’u përgatitur në mënyrë të detajuar për menaxhimin e rasteve të rikthimeve me rrezikshmëri të lartë.
“Shumica e vendeve anëtare të Bashkimit Evropian presin për një rritje të ngadaltë por progresivisht me rikthimet e luftëtarëve të ISIS-it dhe të grupit Hayat Tahrir al-Cham (HTS, ish-fronti al-Nosra, që ka lidhje me Al-Kaedën”, thekson Rrjeti Evropian i Sensibilizimit ndaj radikalizmit, krijuar nga Komisioni Evropian, në këtë raport ku është bazuar media.
“Numri i të kthyerve pritet kryesisht të rritet nëse “kalifati” i vetëshpallur i ISIS-it që ka humbur shumë territore në Siri dhe Irak në muajt e fundit, “të humbasë në planin ushtarak apo të humbë kontrollin e zonave”, shprehet ai në një raport të publikuar në korrik në vendet anëtare të Komisionit.
“Vlerësime të ndryshme parashikojnë mes shifrës 1,200 dhe 3,000 rikthime të evropianëve me precedentë të ndryshëm në të kaluarën, kryesisht gra dhe fëmijë”, shton RAN, që vlerëson se rreth 30 për qind janë rikthyer tashmë, në dijeni të autoriteteve, në të shumtën e rasteve janë arrestuar./b.d
