Rama: Zgjedhjet në Kavajë do bëhen edhe pa PD-në, t’a harrojnë qeverinë teknike dhe shtyrjen e zgjedhjeve. Bujrum për dialog

Kryeministri Rama, gjatë “komunikimit javor” në facebook ka deklaruar edhe njëherë prerazi se nuk do të ketë as qeveri teknike dhe as shtyrje të zgjedhjeve, por i beri ftese PD-se per dialog. Kryeministri, në komunikimin e kësaj jave foli për zgjedhjet në Kavajë. Ai ripërsëriti edhe njëherë se zgjedhjet do të bëhen me apo pa PD-në duke kërkuar që Partia Demokratike ta harrojë shtyrjen e zgjedhjeve.

“I bëj thirrje PD-së ta rishikojë vendimin e saj për zgjedhjet në Kavajë. Pd te mos lere demokratet e Kavajes pa kandidat”, tha Rama në komunikimin e tij javor, këtë të diel.

Rama theksoi se projektet e rilindjes do të vijojnë këtë qytet. Kryeministri pohoi se pas 25 vitesh rrëmujë, më në fund po bëhet shtet. Sipas tij, kemi më shumë vende pune sot se dje dhe do të ketë akoma më shumë nesër.

Kreu i qeverisë përsëriti se kriza e PD nuk do të kthehet në krizë të shqiptarëve.

Rama tha se qeveritë zgjidhen nga populli, jo nga çadra e protestave. “Nuk luajmë me dinjitetin e shqipërisë. E shkuara nuk do përsëritët më. E ardhmja do vendoset më 18 qershor”, deklaroi Kryeministri.

Pjesë nga fjala e Ramës

Në Kavajë projekti i rilindjes do të vazhdojë. PD u shpreh se nuk do të marrë pjesë në zgjedhje, por e ftoj te rishikoje qendrimin. PD te mos lere demokratet e Kavajes pa kandidat. Si për Shqipërinë, kemi bërë shumë edhe për Kavajën. Reformat e thella për të bërë shtet do të vazhdojnë në një vend rrumpallë 25 vjet. Sot çdo shqiptar nuk e vë më në diskutim që duhet të paguaje taksa. Policia e shtetit është në krye të detyrës, u shërben cdo qytetari,nuk është në gjunjët e disa politikanëve e gjyqtarëve të korruptuar. Vetingu kusht për rritjen e investimeve në vend. Ka ende shumë shqiptarë të varfër dhe të papunë. Pavarësaisht se është bërë shumë, jam i vetëdijshëm për problemet. Reformat tona do të ecin përpara edhe më shpejt. Shqipëria që duam është Shqipëria e të ardhmes. Thirrje pd, burëm, të dialogojmë për cdo mekanizëm që i duhet pd për të garantuar zgjedhjet. Qëndrimi im i pa ndryshuar. Pd ta harrojë qeverinë teknike dhe shtyrjen e zgjedhjeve. Qeveritë zgjidhen nga populli, jo nga cadra e protestave. Nuk luajmë me dinjitetin e shqipërisë. E shkuara nuk do përsëritët më. E ardhmja do vendoset më 18 qershor. Duam SHQIPËRI me shtet, punësim dhe ardhëmëri dhe për këtë do bëjmë çdo gjë.

a.ç