Lëvizja Socialiste për Integrim, pjesë e Koalicionit për Shqipërinë Europiane, ka uruar kandidatin Erjon Veliaj për fitoren në Bashkinë e Tiranës.
Sekretari i përgjithshëm i LSI, Luan rama në një konferencë për mediat tha se Veliaj jo vetëm do të mbaj premtimet e bëra por do të shërbej për të gjithë qytetarët e Tiranës, pavarësisht se për kë ata kanë votuar.
Rama ka bërë me dije se nga numërimi i deritanishëm LSI rezulton forcë e parë në disa bashki ku ka përfunduar numërimi ndërkohë që ka të njëjtën prirje edhe në bashki të tjera të mëdha ku numërimi ende vazhdon.
“LSI është forcë e parë në disa këshilla bashkiakë: në Delvinë, ku numërimi ka përfunduar LSI në vend të parë, në Dropull, po ashtu në vend të parë, në bashkinë e Mirditës dhe Klosit ku numërimi ka përfunduar LSI është forcë e parë. Ndërkaq, në një sërë bashkish të tjera në vend LSi gjithashtu deri më tani rezulton forcë e parë si Pukë, Kurbin, Bulqizë, Rrogozhinë, Elbasan,Pogradec, Përmet, Këlcyrë, Memaliaj”, tha Rama.
Gjithashtu, sipas Ramës, në Tiranë LSI ka pësuar një rritje prej 50 për qind krahasuar me 2011 dhe 2013, çka sipas tij konfirmon rritjen e besimit, mbështetjen dhe përkrahjes ndaj LSI për performancën e saj qeverisëse dhe qytetare.
