Kryeministri Edi Rama ka zhvilluar një takim me homologun e tij maqedonas Zoran Zaev nw Trieste, ku janë mbledhur kryeministrat e Ballkanit Perëndimor në kuadër të Samitit të Triestes.
Rama thotë se takimi kishte në fokus forcimin e marrëdhënieve dypalëshe. Po ashtu, ai shprehet se pret nga Zaev të mbajë premtimet për një faqe të re në marrëdhëniet ndëretnike me vepra të prekshme.
“Në Trieste me kryeministrin Zoran Zaev, për forcimin e miqësisë e thellimin e gjthanshëm të bashkëpunimit mes dy vendeve tona; me urimin që faqja e re e premtuar nga kryeministri Zaev në marrëdheniet ndëretnike mes dy popujve që formësojnë Maqedoninë mike, të shkruhet me vepra të prekshme për gjithë shqiptarët, të cilët jetojnë në shtetin fqinj”, shkruan Rama në facebook./a.m.
