Kryeministri Edi Rama priti në një takim Ministrin e Brendshëm të Gjermanisë, Thomas de Mazière, i cili ndodhet në një vizitë zyrtare në vendin tonë.
Rama theksoi se qeveria shqiptare është thellësisht e angazhuar që të marrë pjesë dhe të ofrojë gjithë mbështetjen e saj, në përpjekjet e përbashkëta të komunitetit europian për të dhënë zgjidhjen më të mirë çështjes së emigrantëve.
Dy bashkëbiseduesit vlerësuan bashkëpunimin mes vendeve në fushën e sigurisë dhe të luftës kundër krimit të organizuar dhe korrupsionit, i cili mbetet i një rëndësie parësore. Ata dakordësuan qendrimin për thellimin dhe intensifikimin e këtij bashkëpunimi në të ardhmen.
