Ministri i Drejtësisë Ylli Manjani është shkarkuar nga detyra që mban prej 1 viti e disa muajsh.
Mësohet se vendimi ka ardhur paraditen e sotme pas takimit Rama-Meta. Pas bisedës mes dy krerëve të koalicionit, edhe Manjani ka trokitur në derën e Metës ku mësohet t’i jetë komunikuar vendimi.
Ndërkohë, informacionet e para lidhen me emërimin e Petrit Vasilit në vendin e tij.
Mediat aluduan që dje në mbrëmje për shkarkimin e Manjanit ndërsa ky i fundit e mohoi lajmin.
Mësohet se kryeministri Edi Rama ka firmosur sot shkarkimin e ministrit të Drejtësisë i cili zëvendësoi Nasip Naçon pak kohë më parë.
Fill pas vendimit për lirimin nga detyra të Manjanit, mësohet se kreu i LSI dhe Petrit Vasili janë paraqitur në Presidencë për të marrë emirimin e ministrit të ri të Drejtësisë.
Postimi i Manjanit mbrëmë:
“Miq e të njohur më informuan këtë mbrëmje të diele, që portalet kanë shkruar mbi dorëheqjen e më pas shkarkimin tim nga Qeveria. Këto lajme lidhen edhe me anulimin e një konference për shtyp timen.
Dëshiroj tu informoj se:
1. Nuk kam dhënë dorheqje nga detyra! Smë ka shkuar ndërmend një gjë e tillë!
2. Nuk kam asnjë njoftim zyrtar që të jem shkarkuar!
3. Konferencën për shtyp e kisha thirrur për të anoncuar paketën e ndryshimeve në legjislacionin Penal pas dakortësimeve që kam marrë nga kolegët e mi ministra dhe aktorë të tjerë të interesuar!
E anulova këtë gjë për arsye thjesht shëndetësore!
Natën e mirë!”
KUSH ËSHTË PETRIT VASILI:
Dr. Petrit Vasili është deputet i Qarkut Fier.
- Edukimi
- Diplomoi pranë Universitetit të Tiranës, Fakulteti i Mjekësisë.
- Ka kryer specilizime te plota pasuniversitare ne Tirane (1984 – 1985) dhe pranë Institutit Superior Sanitar në Romë gjatë viteve 1988 – 1991.
- Veprimtaria
- Gjatë viteve 2001 – 2003 ka ushtruar detyrën Zëvendës Ministër i Shëndetësisë.
- Në vitin 2009 Ministër i Shëndetësisë.
