Kryeministri Edi Rama deklaroi të dielën nga Dibra se punimet për ndërtimin e rrugës së Arbërit do të nisin shumë shpejt.
Duke ftuar banorët e Dibrës që të votojnë kandidatin e Aleancës së Shqipërisë Europiane, Shukri Xhelili, Rama tha se shumë gjyra të pamundura do të bëhen të mundura nëse jemi së bashku në rrugën e duhur.
“Sot rruga e Arbërit do të ishte ende një fantazëm në fushata elektorale dhe jo një projekt tashmë i financuar, i votuar nga Parlamenti dhe gati për të filluar nga puna dhe për t’u finalizuar linjën e shumëmunguar, Dibrës me Tiranën e gjithë Shqipërinë përmes një rruge siç e meritoni”, deklaroi Kryeministri Rama.
Kreu i qeverisë informoi se shumë shpejt do të jetë gati edhe projekti tjetër që lidh Dibrën e Peshkopinë me Lurën.
Sot, vijoi kryeministri Rama, 9 shkolla të Dibrës që janë rindërtuar nga e para, do të ishin ashtu siç ishin para 23 qershorit, ndërsa shtoi se me 21 qershor votohet për të përmirësuar cilësinë e jetës së çdo familje.
Tashmë bashkia e Dibrës, drejtimin e së cilës Aleanca për Shqipërinë Europiane ia ka besuar Shukri Xhelilit ka edhe 14 njësi të tjera administrative me hartën e re territoriale
